БЕЗНЕКЕЛӘР СЫНАТМЫЙ

Безнең иң яхшы көрәшчеләребез Татарстан командасы составында "Көрәш" татар-башкорт милли көрәше буенча Россия Федерациясе Чемпионатында һәм Беренчелегендә катнашты.
Турнирга Россиянең 36 регионыннан 245 иң көчле көрәшче килде. Киеренке көрәштә Татарстан командасы беренче урынны алды. Бу җиңүдә безнең көрәшчеләребез Нәфис Миңнебаев һәм Илдар Аббасовның да өлеше бар, алар алтын һәм көмеш медальләр яуладылар. Алтын призер булып, Нәфис "Көрәш" милли көрәше буенча Россия Федерациясе чемпионы дигән исемен өченче тапкыр раслады.