Россиядә Укытучылар көненә педагогларга бердәм федераль түләү кертү тәкъдим ителде. Аның күләме кимендә бер минималь хезмәт хакы (МРОТ) дәрәҗәсендә булырга тиеш, дип белдерде РФ Иҗтимагый палатасы секретаре урынбасары Владислав Гриб. Бу хакта РИА Новости хәбәр итә.
Федераль түләү күләме
Гриб сүзләренчә, укытучыларга һөнәри бәйрәмнәре уңаеннан федераль, төбәк һәм муниципаль дәрәҗәләрдә матди ярдәм күрсәтергә мөмкин. Федераль түләү күләмен кимендә бер МРОТ дәрәҗәсендә билгеләргә тәкъдим ителде. 2026 елның 1 гыйнварыннан федераль МРОТ аена 27 093 сум тәшкил итә.
Гриб фикеренчә, төбәкләр һәм муниципалитетлар бюджет мөмкинлекләрен исәпкә алып, өстәмә түләүләрнең күләмен мөстәкыйль билгели алыр иде. Россиядә Укытучылар көне ел саен 5 октябрьдә билгеләп үтелә.
Нет комментариев