Татарстанда язгы кыр эшләренә 43 млрд сум кирәк булачак
Татарстанда язгы чәчү кампаниясе башланды. Кайбер районнарда инде язгы культураларны чәчү эшләре старт алды, ә барлык муниципалитетларда уҗым культураларын һәм күпьеллык үләннәрне тукландыру бара.
Бу хакта «Татар-информ» агентлыгына ТР Авыл хуҗалыгы һәм азык-төлек министрлыгында хәбәр иткәннәр.
Быелгы кампания традицион рәвештә дәүләт ярдәме белән үткәрелә. Язгы кыр эшләренә гомуми чыгымнар 43 млрд сум дип бәяләнә. Татарстан Авыл хуҗалыгы һәм азык-төлек министры Марат Җәббаров сүзләренчә, хуҗалыклар инде 2,4 млрд сум күләмендә ярдәм алган.
Гомуми чәчү мәйданы 2,7 млн гектар тәшкил итәчәк — бу узган ел дәрәҗәсендә кала.
Шул ук вакытта республикада бөртекле культуралар мәйданын киметеп, майлы культуралар мәйданын арттыру күзәтелә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев