Татарстанда БДИдан иң югары нәтиҗә күрсәткән чыгарылыш укучылары өчен яңа ярдәм чарасы кертелә. Бер тапкыр бирелә торган түләүнең күләме 100 балл җыелган фәннәр санына бәйле.
Түләү күләме нәтиҗәгә карап билгеләнә
Тиешле карарга Татарстан Премьер-министры Алексей Песошин кул куйды. Бер фәннән 100 балл җыйган укучыга — 15 мең сум, ике фәннән — 25 мең сум, өч һәм аннан да күбрәк фәннән максималь нәтиҗә күрсәткән чыгарылыш укучысына 35 мең сум түләнәчәк.
Түләүгә агымдагы ел чыгарылыш укучылары дәгъва итә ала. Аны алу өчен БДИда максималь нәтиҗә рәсми рәвештә расланган булырга тиеш. Түләү бер тапкыр бирелә һәм башка ярдәм чараларын алыштырмый.
Нет комментариев