Россия мәктәпләренә соңгы кыңгырауда флаг күтәрергә тәкъдим ителде

Соңгы кыңгырау Бердәмлек елы кысаларында үтәчәк

Ведомство хәбәр иткәнчә, документ 2026 елда мәктәп бәйрәмнәрен оештыру тәртибен билгели. Искәртик, Россиядә 2026 ел Халыклар бердәмлеге елы дип игълан ителде.

Чыгарылыш укучыларына ветераннар һәм ата-аналар мөрәҗәгать итәчәк

Тәкъдимнәр буенча, соңгы кыңгырау программасына төрле милләт вәкилләре булган ата-аналарның, шулай ук махсус хәрби операциядә катнашучыларның һәм ветераннарның чыгышларын кертергә киңәш ителә.

Алар чыгарылыш сыйныф укучыларына милләт-ара татулык, ил киләчәге өчен җаваплылык һәм бердәмлекнең әһәмияте турында мөрәҗәгать итә алачак.

Күпбалалы гаиләләрне дә хөрмәтләячәкләр

Моннан тыш, мәктәпләргә күпбалалы һәм күп буынлы гаиләләрне аерым хөрмәтләү тәкъдим ителә. Алар традицион кыйммәтләрне, туган телләрне һәм тарихи хәтерне саклаучылар буларак билгеләнә.

Бәйрәмдә патриотик чыгышлар яңгыраячак

Соңгы кыңгырау сценарийларында шулай ук Россия халыклары бердәмлеге идеяләрен чагылдырган патриотик җырлар һәм иҗади номерлар карау тәкъдим ителә.