Хаҗга барачаклар

Мөселманнарның иң зур бәй-рәмнәреннән берсе булган Корбан бәйрәмен быел 4 нче октябрьдә билгеләп үтәчәкләр.

Коръәннең биш төп таләбенең берсе - хаҗ кылу. Сентябрь азагында хаҗ кылучыларны төркемләп Мәккәгә җибәрә башлаячаклар. Татарстан Республикасының ДУМ пресс-хезмәте хәбәр иткәнчә, Россиядән 16,4 мең кеше хаҗга барачак (узган ел 20,5 мең булган). Татарстан өчен квота 1800 кеше. Квотаны киметү Мәккә-дәге әл-Хәрам мәчетендә Согуд Гарәбстаны властьларының бүген киң күләмле реставрация эшләре алып баруы белән бәйле.

Безнең районнан быел Мәккәгә ундүрт кеше барачак. Аларның алтысы Биектаудан, дүртесе Семиозерка һәм Макаровкадан, берәр кеше Дөбъяз, Олы Битаман, Юртыш авылларыннан һәм Бөреле җәнлек совхозы поселогыннан.