УТ БЕЛӘН УЙНАМА

"РФ Административ хокук бозулар кодексына үзгәрешләр кертү турында" 212 нче Федераль закон 2012 елның 1 декабрендә кабул ителде.
Янгын куркынычсызлыгы таләпләрен бозу аркасында янгын чыкса һәм кешенең сәламәтлегенә авыр зыян килсә, оешмага нәрсә яный?
РФ Административ хокук бозулар кодексына янгын куркынычсызлыгы кагыйдәләрен бозган өчен юридик затларга җаваплылыкны кырысландырган үзгәрешләр кертелде. Хәзер кешенең сәламәтлегенә авыр зыян ясауга һәм аның үлеменә китергән янгын куркынычсызлыгы кагыйдәләрен бозган оешмага 600 мең сумнан алып 1 млн. сумга кадәр күләмдә штраф яный.
Штраф урынына эшчәнлекне 90 тәүлеккә кадәр административ туктатып тору җәзасы кулланылырга мөмкин.