Татарстанда адаптив спорт төрләре үзәге төзергә тәкъдим иттеләр
Татарстанда адаптив спорт төрләре үзәге төзү мөмкинлеге карала. Әлеге тәкъдим белән Татарстан Республикасы Спорт министрлыгының йомгаклау коллегиясендә СВО ветераны, «Батырлар. Татарстан геройлары» программасында катнашучы Анвар Мөхәммәтҗанов чыгыш ясады.
Анвар Раис улы сүзләренчә, үзәк универсаль һәм үзгәртелә ала торган спорт заллары белән җиһазландырылырга тиеш. Анда коляскада утырып баскетбол уйнарга һәм дәвалау физкультурасы белән шөгыльләнергә мөмкин булачак.
Проектта шулай ук бассейн һәм следж-хоккей өчен боз аренасы булдыру каралган. Аерым игътибар спортчыларны комплекслы рәвештә озата бару өчен көчле фәнни-медицина базасы булдыруга биреләчәк.
Мондый үзәк төзү «Россия спорты» дәүләт программасының максатларына тулысынча туры килә. Әлеге программа Ватанны саклаучыларны реабилитацияләүгә һәм җәмгыятькә интеграцияләүгә зур әһәмият бирә.
#Татарстан #адаптивспорт #Россияспорты
#СВОветераннары #инклюзивспорт
#следжхоккей #коляскадабаскетбол
#спортминистрлыгы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев