31 октябрь һәм 1 ноябрьдә Татарстанда коры, әмма салкынча һава торышы көтелә. Төнлә республиканың кайбер районнарында һава температурасы 10 градуска кадәр түбән төшәргә мөмкин, дип хәбәр иттеләр Татарстан Гидрометеорология үзәгендә.
Ял көннәрендә явым-төшем көтелми
31 октябрьдә төнлә һава температурасы 0 дән 5 градуска кадәр салкын булачак. Республиканың көньяк-көнчыгышында 10 градуска кадәр суытачак. Көндез һава 9–14 градуска кадәр җылыначак. Явым-төшем көтелми. Көньяк һәм көньяк-көнбатыштан искән җилнең тизлеге секундына 3–8 метр тәшкил итәчәк.
Якшәмбе дә салкынча булачак
1 ноябрьгә каршы төндә һава температурасы 0 дән 5 градуска кадәр түбән төшәчәк, урыны белән 9 градус салкын булачак. Көндез термометрның терекөмеш баганасы 7–12 градуска кадәр күтәреләчәк. Явым-төшем ихтималы аз. Көньяк-көнбатыш җиле секундына 3–8 метр тизлек белән исәчәк. Гомумән алганда, ял көннәрендә төнлә 10 градуска кадәр салкын, көндез 7–14 градус җылы булачак.
Алдан әзерләнгән фаразларга караганда, киләсе атна башында антициклон урынын көньяк-көнбатыш циклонына бирә башлаячак. Бу төбәктә һава торышы үзгәрүгә китерергә мөмкин. Әмма синоптик вәзгыятьтәге үзгәрешләрнең төгәл үзенчәлекләре әлегә билгеле түгел.
Нет комментариев