Казанда курьерлар кулланган электробайклар өчен тизлек чикләүләре кертергә җыеналар. Максималь тизлек 25 км/сәгать булачак, әлеге кагыйдәләр хәзерге вакытта китерү хезмәтләре өчен эшләнә.
Шулай ук «акрын зоналар» (10–15 км/сәгать) кертү планлаштырыла. Моннан тыш, курьерларны махсус форма һәм транспорт таләпләрен үтәүгә мәҗбүр итү, шулай ук тизлекне автоматик контрольдә тоту өчен IoT-модульләр урнаштыру карала.
Кайбер урыннарда курьерларны транспорттан төшеп, җәяү йөрергә мәҗбүр итәргә дә мөмкиннәр.
Хакимият вәкилләре билгеләп үткәнчә, бу проблема соңгы вакытта курьерлар катнашындагы юл-транспорт һәлакәтләре һәм кагыйдә бозулар ешайганга күрә кискенләшкән.
Нет комментариев