Биектау районының 12 яшьлек яшүсмере үзенең дусты күзалдында һәлак була

Хокук саклау органнары хезмәткәрләре сүзләренә караганда, яшүсмерләр мотоциклда йөриләр. Руль артына утырган малай артындагы пассажирның үз өстенә авуын һәм мотоциклдан егыла башлавын шәйләп ала. Малай мотоциклны туктата һәм дустының бик еш тын алуын күреп ала. Авыру яшүсмер коса башлый.

 19 сәгать 10 минутта диспетчерлык үзәгенә урманда бер яшүсмернең үле гәүдәсе табылуы турында хәбәр итәләр. 6 нчы сыйныф укучысы Александр Волков кадет мәктәбендә белем алган. Ул яхшы билгеләренә генә укыган һәм физик яктан сәламәт бала булган. Үз сыйныфының командиры буларак, Саша һәрвакыт спорт ярышларында һәм кыр шартларында уздырыла торган җыеннарда катнашкан. Яшүсмернең туганнары сүзләренә караганда, мотоциклдан егылганда малай исән була. Әлеге фаҗига буенча җинаять эше кузгатылды. Тикшерү комитеты судмедэкспертиза билгеләде.