2026 елдан РФ вузларына керү кагыйдәләре яңартылды

Абитуриентлар хәзер документларны өч юл белән тапшыра ала: Госуслуги порталы аша, университетның кабул итү комиссиясенә шәхсән мөрәҗәгать итеп, яки почта аша. Шунысы мөһим, вузларның үз информацион системалары аша гариза тапшыру юкка чыгарыла.

Целевой кабул итү механизмы да яңартылды. 2026 елдан целевой квота конкрет заказчы, белем программасы, уку формасы һәм урыннар саны белән билгеләнәчәк. Бу үзгәреш целевой кабул итүне бөтен югары белем дәрәҗәсендә ачык һәм детальле итәчәк.

Моннан тыш, вакантлы целевой һәм махсус квота урыннары бакалавриат һәм специалитет программаларына кабул итүдә аерым квотага күчереләчәк. Магистратурада исә төп этапта тутырылмаган целевой урыннар турыдан-туры төп бюджет урыннарына күчерелә.

Колледж тәмамлаучылар өчен дә кагыйдәләр яңартылды. 2026 елдан алар ЕГЭ нәтиҗәләре булмыйча вузларга бары тик үз профильләре белән туры килгән белгечлекләргә кабул ителә алачак. Профильнең туры килүен белем бирү оешмалары үзләре билгеләячәк.

#вузлар2026 #поступление #Минобрнауки #целевойприем #колледжвуз #образованиеРоссия #высшееобразование #абитуриент2026 #ЕГЭ