Россиядә торак йортларда газ җиһазларына күзәтү ясау җитди кагыйдәләр нигезендә алып барылачак

Россиялеләрне газ җиһазларын тикшерү буенча аерым килешү төзергә мәҗбүр итәчәкләр. Газ җиһазларын торак йортларны газ белән тәэмин итә торган  оешма тикшерәчәк. Яңа закон газ куллану кагыйдәләрен тупас бозучы, үзләрен генә түгел, күршеләре гомерен дә куркыныч астына куючы кешеләрне җавапка тартырга ярдәм итәчәк. Бүгенге көндә, газ хезмәте күрсәтү өлкәсендәге  законнарның камил булмавы сәбәпле, торак йортларның 50% ында озак  еллар дәвамында тикшерү үткәрелмәгән.