ДЕКАБРЬДӘ КЫШ КАПКАСЫ АЧЫЛА

Декабрьдә, гадәттә, көннәр караңгы, кояш бик сирәк кенә күренеп ала. Көннең иң кыска вакыты да декабрьнең өченче декадасына туры килә. 22 декабрьгә кадәр – көннең иң кыска, төннең иң озын вакыты – көннең озынлыгы һәр тәүлек саен берничә минутка кыскара бара. 22 декабрьдә ул нибары 7 сәгать кенә тәшкил итә. 25 декабрьдә генә көн бераз озыная башлый, кояш та җәйгә таба борыла. Ә кыш барыбер үзенекен ала: көннәр салкыная бара. Декабрь уртасында кискен салкыннар башлана.  Халык телендә ул салкыннар “кыш капкасының ачылуы” дип йөртелә. Уртача температура минус 8 градус була. Әмма салкын көннәр  кискен генә җылынып китәргә мөмкин. Соңгы елларда мондый күренешләр бик еш кабатлана башлады.