Беренче эш итеп утны, газны, суны сүндерергә һәм кирәк-яраклар букчасы җыярга кирәк.
Биектау районының Гражданнарны саклау идарәсе торак пунктларда яшәүчеләргә “Игътибар”, шулай ук “Һавада хәвеф-хәтәр” кисәтүләренең мәгънәсен һәм алар яңгыраган вакытта нишләргә кирәк икәне турында хәбәр итә.
Белешмәләр күпфатирлы йортларның ишегалларында идарәче компанияләр тарафыннан таратыла, шулай ук авыл советлары хезмәткәрләре кулларына тапшырыла.
Кирәк-яраклар букчасына исә, шәхси саклану чаралары, документлар, дарулар, ризык һәм су запасы керә. Сигнализациядән соң якында гына яшеренер урын табарга кирәк. Иң мөһиме – тынычлык сакларга.
Нет комментариев