Россия Федерациясе мөселман эшмәкәрләр ассоциясе гаиләләргә азык-төлек пакетлары таратты

Сәдака ул – кешене Аллаһка якынайта торган гыйбадәтләрнең берсе. Дөньяда вакытта сәдака бирүчеләргә ахирәт дөньясында уннан алып җиде йөзгә кадәр, ә кайбер кешеләргә аннан да күбрәк әҗер-савап бирелә.Кайберләре бу эшкә яӊа гына алынсалар, күпләре эшләгән эшләрен күрсәтергә омтылмыйча, дистә еллар буе авыр хәлдә калганнарга, гомумән төрле чаралар үткәрүдә яисә катнашуга үзләреннән саллы өлеш кертәләр.
Шундыйларныӊ берсе -Россия Федерациясе мөселман эшмәкәрләр ассоцияциясе. Бүген оешма вәкилләре райныбызныӊ  кырыкка якын  гаиләсенә азык-төлек пакетлары таратты. Алар арасында  аз керемле якташларыбыз, лаеклы ялда булучылар, сәламәтлеге чикле балаларны тәрбияләүче әниләр бар.