ЯҢАЛЫКЛАР рубрикасы буенча яңалыклар
-
Амелиягә акча җыю дәвам итә
Газетабызның узган санында без организмына D-функциональ аксымы җитмәгән 5 яшьлек Амелия Шагиева турында язган идек. Агымдагы елның май аенда аңа Польшада операция ясау планлаштырыла. Операция өчен 4,5 миллион сум акча кирәк.
-
Бу юлы Бердәм дәүләт имтиханын әти-әниләр тапшырды
Россиянең барлык төбәкләрендә “Ата-аналар тарафыннан БДИ тапшыруның Бердәм көне” дип аталган Бөтенроссия акциясе булып узды. Мондый зур эштән Биектау районы да читтә калмады. Быел мәктәп тәмамлаячак укучыларның әти-әниләренә, вакытлыча балалары белән урыннарын алыштырып торып, документларны теркәүдән алып, биремнәрне башкарып чыгуга кадәр Бердәм дәүләт имтиханының барлык нечкәлекләрен үзләрендә сынап карау мөмкинлеге бирелде.
-
Коронавирус кими башлады. Әмма саклык чаралары турында онытырга әле иртәрәк
Коронавирус инфекциясенең иң азган вакыты февраль урталарына туры килде. Хәзер вазгыять тотрыклылана бара. Узган атнада республикада гражданнарның аерым категорияләренә мәҗбүри вакцинацияне бетерделәр. Ә Мәскәүдә 15 нче марттан битлек режимы алынды. Шундый ук тәкъдим Татарстанның Роспотребнадзор идарәсенә дә килгән. Бәлки бу безнең өчен тиздән шактый онытыла төшкән шартларда, чикләүләрсез яши башлаячагыбызны белдерәдер? Әмма шулай да саклык чаралары турында онытырга ярамас.
-
Артур Галимҗанов - көрәш буенча РФ һәм ТР чемпионы
Милли көрәш республикада иң популяр спорт төрләреннән берсе. Татарстан АССРда көрәш чемпионатлары һәм республика Беренчелеге 1960 нчы елдан бирле уздырыла. Көрәшнең әлеге төре белән Биектау районында да актив шөгыльләнәләр. Һәм, әйтергә кирәк, аның нәтиҗәләре дә уңышлы.
-
Биектаулылар “Җиңү йөзе” проектында ата-бабаларының истәлеген мәңгеләштерә ала
Күп функцияле үзәк халыкка төрле юнәлештәге хезмәт күрсәтә. Күптән түгел үзәктә тагын бер мөһим юнәлеш ачылды. “Җиңү йөзе” халыкара тарихи проект сугышта катнашкан ата-бабаларыбыз турында мәгълүматны күп функцияле үзәкләр аша мәңгеләштетергә ярдәм итте. Проект илебез тарихында гына түгел, бөтен кешелек тарихында иң җимергеч һәм канкойгыч сугышта җиңүгә үз өлешен керткән һәр кеше турында мәгълүмат биреп, хәтерне саклауга юнәлдерелгән. Ул сугышта катнашкан солдатлар турында гына түгел, партизан отрядларында көрәшкән, оккупантларга төрле юллар белән каршылык күрсәткән, тылда көнне-төнгә ялгап эшләгән һәркем турында мәгълүмат мәйданы булачак.
-
Финанс олимпиадасында һәркем катнаша ала
Татарстан укучылары финанс грамоталылыгы буенча олимпиадада катнаша ала. Биектау районы мәктәпләрендә укучы берничә бала әлеге олимпиадада катнашу теләге белдерде. Олимпиада 31 мартка кадәр бара. Бөтенроссия онлайн-олимпиадасы Учи.ру платформасында уза. Ул түләүсез нигездә була.
-
Амелия игелекле кешеләр ярдәменә мохтаҗ
Биектау районында яшәүче 6 яшьлек Амелия Шаһиевага оча сөягенә операция ясату өчен агымдагы елның май аена кадәр 4,5 миллион сум акча кирәк. Кызның гомере болай да кыл өстендә генә тора. Операция ясамаган очракта сабый иң күбе бер ел яшәргә мөмкин. Табиблар аның язмышын әнә шулай билгеләгән. Амелиянең әти-әнисе билгеләнгән вакытка акча туплап булмас дип борчыла. Алар игелекле райондашлары ярдәменә өмет итә. Гаиләнең исәп-хисап счетына килгән һәр сумма кызның гомерен саклап калырга ярдәм итәчәк.
-
Биектаулылар яз гүзәле - Нәүрүзне каршы алдылар
Яз җитте. Елның һәр фасылы да үзенчәлекле бәйрәмнәре белән истә кала, язның да үз бәйрәмнәре бар. Кешеләрнең күңелләрен күтәреп, шаулап-гөрләп, Май чабу йоласына багышланган чара узып китте. Кояш календаре буенча Иран һәм төрки халыкларның яз бәйрәме - Нәүрүз килеп җитте. Быел әлеге чараны оештырырга Биектау районындагы предприятиеләрнең берсе ярдәм итте һәм халыкның бергә җыелып күңел ачуы чын бәйрәмгә әверелде.
-
Алдан кисәтеп куйсаң, үз вакытында чарасын да күреп була
Җирдә яз хакимлек итә, димәк, эшкәртелми яткан җирләрдә тагын балтырган баш калкытачак. Әлеге үсемлектән кешеләрнең сәламәтлегенә куркыныч яный, шунлыктан аңа каршы көрәшкә бюджеттан күп акчалар бирелә. Әмма шул ук вакытта бу икенче проблема китереп чыгара - балтырганны агулаганнан соң бал кортлары һәлак була. Ә нишләп алай була соң ул? Моңа юл куймас өчен нинди чаралар күрергә кирәк? Әлеге сорауга җавапны без Биектау районы умартачылары һәм “Татарстан умартачылары” Региональ иҗтимагый оешмасы вәкиле Алмаз Шакировтан сорадык.
-
Бурычың булса, түләп куярга ашык!
Әгәр дә юлда ЮХИДИ хезмәткәрләре суд приставлары белән бергә басып торалар икән, димәк, бурычың булса, алар сине туктатачаклар. Мондый рейдлар уздырылуын руль артында утыручыларның күбесе белә.
-
Ветераннар батырлыгы мәңге онытылмас
96 нчы яшендә Бөек Ватан сугышы ветераны Минһаҗетдин Ибраһимов вафат булды.
-
Ә сез үз хокукларыгызны беләсезме?
15 нче мартта Бөтендөнья кулланучылар хокукларын яклау көнен билгеләп үттеләр. Татарстан Республикасында кулланучылар үзләренең фикерләре һәм ризасызлыклары белән Дәүләт алкоголь инспекциясенә мөрәҗәгать итәләр. Без Татарстан Республикасы Дәүләт алкоголь инспекциясенең Биектау районына караган бүлеге җитәкчесе Марина Егорова белән берничә кибеттә булдык һәм сатып алучылар белән аралаштык.
-
Җәйге ялларны планлаштырабыз: туристларга кая барырга, бәяләр күпмегә арткан?
Февраль ае вакыйгаларыннан соң тормыш икегә бүленгән сыман. Көннән-көн Россиягә карата кертелгән санкцияләр арта бара. Самолетлар очмый, һава юллары ябыла. Яңа шартларда җәйге ялларны ничек планлаштырырга, кая барырга?
-
Тормышыңны уңай якка үзгәртүдә катнаш
Үзең яши торган авылга, авылдашларыңа яхшылык эшләргә теләүчеләргә бүгенге көндә бик күп мөмкинлекләр тудырылган. Моның өчен авыл халкының проблемасын күрә белергә һәм шул проблеманы чишәргә алынырга гына кирәк. Заманча әйтсәк, теләкне социаль проект итеп формалаштыра беләргә кирәк. Билгеләнгән планнарны тормышка ашыру өчен еш кына финанс мөмкинлекләре җитми. Нәкъ менә кызыклы проектлар авторларына ярдәм итү өчен грантлар системасы эшли. Алар ярдәмендә иң кыю идеяләр һәм теләкләр чынга аша.
-
“Куркынычсыз көпчәк” бәйгесе юлда гына түгел, тормышта да кирәкле күнекмәләргә өйрәтә
Биектау районы мәктәпләре яшь юл хәрәкәте инспекторларының “Куркынычсыз көпчәк” республика конкурсына әзерләнә башладылар. Конкурс өч этаптан торачак. Башта үзеңнең сәләтеңне район күләмендә күрсәтергә кирәк, аннары зона турында иң яхшыларны сайлап алачаклар, бары шуннан соң гына республика финалы уздырылачак. Биектауның 4 нче гомуми урта белем бирү мәктәбенең яшь юл хәрәкәте инспекторлары әлеге юнәлештә ел әйләнәсендә шөгыльләнәләр.
