ЯҢАЛЫКЛАР рубрикасы буенча яңалыклар
-
Руслан Июдин Батырлык орденына тәкъдим ителде
24 нче февральдә Владимир Путин Донбассны яклау өчен Украинада махсус операция башлануы турында игълан итте. Аның әйтүенчә, Россия чиктәш дәүләттә денацификациягә һәм демилитаризациягә омтыла. Берничә көннән соң Оборона министрлыгы рәсми рәвештә Россия ягында югалтулар булуы турында белдерде. Россиянең төрле төбәкләрендә үзләренең якташлары һәлак булу турында хәбәр итәләр.
-
Алар үзара аңлашып, авылны үстерү максаты белән яшиләр
Биектау районында үзара салым программасы буенча акча җыю эшләре актив алып барыла. Әлеге программа Татарстанда 2014 нче елдан бирле гамәлгә ашырылып килә. Халыктан җыелган акчаның һәр 1 сумына бюджеттан тагын 4 сум өстәлә. Шушы чара нәтиҗәсендә барлык авыл җирлекләрендә дә яңа объектлар төзелә, юллар ремонтлана, урамнар яктыртыла һәм башка күп эшләр башкарыла.
-
Күпхатынлылык, сөяркә, никах, аракылы мәҗлесләр — Нурулла хәзрәт белән әңгәмә
Казанның «Туган авылым» мәчете имам-хатыйбы Нурулла хәзрәт Зиннәтуллин «Гадел әңгәмә» тапшыруында хәрам мәҗлесләр, татарларда никахка, җенси темаларга мөнәсәбәт һәм башкалар турында сөйләде.
-
Биектау уенчылары җиңелергә уйламый да
Биектау районы спорт мәктәбендә шөгыльләнүчеләр ирләр командалары арасында Казан шәһәре беренчелегенә мини-футбол буенча ярышларның өченче лигасында уңышлы гына чыгыш ясап килә.
-
Хәзрәт кредит турында: «Ипотека алганчы, авылдагы иске йортта торуың хәерле»
«Интертат» хәбәрчесе Чаллыдагы «Ак мәчет» мәдрәсәсе мөгаллиме Илдар хәзрәт Хәмидуллин белән риба турындагы сорауларга җавап эзләде.
-
«Ишеккә якын да килә алмадык» - Түбән Камада әниле-уллы ике кеше янгында үлгән
Быелгы 8 Март бәйрәме Түбән Кама районы Үчкә авылы халкы өчен бик хәвефле килә: янгын бер йортны көлгә әйләндереп, әниле-уллы авылдашларының гомерен өзә.
-
Җеннәр белән очрашкан Илдус Исмәгыйлев: «Аллаһ миңа җәһәннәмне күрсәтте»
Иске таш мәчетендә эшләүче Илдус абыйның җеннәр турында сөйләве йокымны качырды. Нинди генә рәвештә очрамаганнар: кеше булып гырлаганнар да, йөргән тавышлары да ишетелгән… Ә иң тетрәндергәне — Илдус абыйның чигәсе кысыла башлап, авызыннан начар ис чыгуы. Героебыз «Интертат»ка җеннәрдән ничек котылуы турында сөйләде.
-
Интернет үзлегеңнән өйрәнү өчен зур мөмкинлекләр ача
Биектау районында үзенчәлекле информатика дәресе узды. Биектауның 1 нче гомуми урта белем бирү мәктәбенең 6 нчы инженерлар сыйныфы укучылары цифрлар грамоталылыгының асылы турында сөйләштеләр. “Балачакның цифрлар этикасы” хартиясен гамәлгә ашыру кысаларында алар үзләре өчен челтәрдә аралашу буенча аерым кагыйдәләр җыелмасын әзерләделәр.
-
Пионерларга алмаш хәрәкәт
“Россия мәктәп укучылары хәрәкәте” Гомумроссия иҗтимагыйдәүләт балалар һәм яшүсмерләр оешмасы моннан 7 ел элек - 2015 елның октябрендә Россия Президенты Указы белән төзелгән иде. Аның төп максаты үсеп килүче яшь буынның төрле яклап иҗади үсешенә, гражданлык хисләрен ныгытуга, тәрбиягә зур игътибар бирүгә юнәлтелгән. Биектау районында әлеге хәрәкәт белән «Тулпар» мәктәптән тыш эшләр үзәге ныклап шөгыльләнә. Шәпше урта мәктәбе укытучысы Алина Зинина район күләмендә әлеге хәрәкәтне әйдәп баручыларның берсе булып тора. Күптән түгел Шәпше авылы мәдәният йортында мәктәп укучылары хәрәкәтенең Биектау районы слеты узды.
-
Ни хәлең бар, әбекәй?!
Биектау районының Олы Битаман авылында яшәүчеләр ышанычлы канат астында. Биредә ялгыз яшәүче әби-бабайларны мәктәп укучылары кайгырта. Хәзер андыйларны ирекмәннәр дип атыйлар, малайкызлар исә үзләрен тимурчылар дип йөртә. Гап-гади замана укучылары бу! Башкалардан тирә-юньдәгеләргә ярдәм итү теләге генә аерып тора үзләрен.
-
Хезмәт һәм тырышлык югары үрләргә алып менә
Татарстан Республикасы Президенты Биектау районында яшәүче Халидә Гафиятуллинаны “Казанның 1000 еллыгы истәлегенә” медале белән бүләкләде. Халидә ханым АланБәксәр авылында хат ташучы булып эшли. Аның «Россия почтасының» элемтә бүлегендә эшли башлавына киләсе елга 35 ел тула - бу аның һөнәри юбилее булачак. Тыйнак кеше булганлыктан, бүләк тапшыруларына ул хәтта югалып калган. Ә авылдашлары исә ул мондый бүләккә тырыш хезмәте белән лаеклы, диләр.
-
Язгы кыр эшләренә әзерлек бер генә көнгә дә тукталып тормый
“Березка” һәм “Красная заря” хуҗалыкларында язгы кыр эшләренә техника әзерләү һәм терлекләрне кышлату чорын төгәлләү мәсьәләләренә кагылышлы чираттагы авыл хуҗалыгы семинары булып узды. Авыл хуҗалыгы оешмалары карга мул булган кыштан ничек чыгарлар һәм чәчү эшләре ничек тормышка ашырылыр?
-
Арча районында язгы ташуга әзерлек чаралары күрелә
Арча районында барысы 12 торак пунктка су басу куркынычы яный.
-
Рамазан һәр ярыштан җиңү белән кайта
Биектау авылында яшәүче 10 яшьлек Рамазан Миннебаев соңгы вакытларда үзенең шәхси рекордлары белән райондашларны таң калдыра. Күптән түгел генә ул спорт гимнастикасы буенча Татарстан Республикасы беренчелегеннән 7 медаль алып кайтты. Рамазан әлеге спорт төренә шул дәрәҗәдә бирелгән, хәтта көн саен берничә сәгатькә сузылган спорт күнегүләре дә аны ялыктырмый. Спортта күрсәткән уңышлары белән ул социаль челтәрләрдә дә уртаклаша, үзенең блогын алып бара. Ирексездән уйлап куясың: булачак олимпия чемпионы үсә! Рамазан белән якыннанрак танышкач, хыялларының дөрестән дә бик җитди икәненә инанасың.
-
Йөк ташучылар юлларның төзеклеге турында да уйлансыннар иде
Төрле нормалар кертелүдә яз айларында аеруча активлык сизелә. Татарстан Министрлар Кабинеты ел саен йөк машиналары өчен чикләүләр кертелү турында карарлар кабул итә. Апрель аеннан андый машиналарга 6 тоннадан арткан йөкләрне ташырга рөхсәт ителмәячәк. Мондый чара юлларны җимереп бетермәс өчен кертелә. Язын кар күпләп эри торган вакытта юлларны “кипшертәләр”. Юл өслеге артык дымлана һәм йомшарып китә. Шул сәбәпле ул тизрәк таркала, җимерелә башлый.
