Биектау көрәшчеләре 200 спортчы арасында җиңүгә иреште

16 октябрь көнне Зәй шәһәренең спорт-сәламәтләндерү комплексында спорт мастеры Константин Волков истәлегенә Россия күләмендә ирекле көрәш буенча турнир уздырылды. Әлеге турнирга Таджикистан, Башкортостан республикаларыннан, Октябрьск, Ижевск шәһәрләреннән, Татарстанның Әлмәт, Менделеевск, Мамадыш, Тукай районнын, Яр Чаллы, Түбән Кама һәм Казан шәһәрләреннән 200 дән артык спортчы катнашты.

Биектау районы спортчылары әлеге турнирда матур нәтиҗәләргә ирештеләр.

30 кг га кадәр авырлыкта 1 урынны Максим Рылов алды, ә Денис Зеленяк бронза медальгә лаек булды. Алар XX Олимпиа уеннары катнашучысы, Европа чемпионы, халыкара класслы спорт мастеры, тренер Сергей Федорович Тимофеев укучылары.