Бездә яңа бәйге - ярату һәм хөрмәт хисләрен кем әйбәтрәк белдерә?

"Биектау" медиахолдингы укытучыларына, әби-бабайларына карата булган ярату, хөрмәт хисләрен иң үтемле, иң матур итеп чагылдыра белүчегә яңа конкурс башлап җибәрде. Ул Халыкара өлкәннәр көненә һәм Укытучылар көненә багышлана. Сездән кечкенә генә (10-15 юллык) хөрмәтләү-котлау көтеп калабыз. Алар барысы да biektaw.ru сайтында урын алачак. Аңлатмаларны иң күп җыйган котлау авторына бүләк сыйфатында "Высокогорские вести" һәм "Биектау хәбәрләре" газеталарына котлау әзерләгән кеше турында зур мәкалә язу мөмкинлеге биреләчәк (әйтик, туган көне белән тәбрикләргә яки аның хезмәт, тормыш юлы турында сөйләргә). Котлауларыгызны vgora-vesti@mail.ru адресына юллагыз.