16–24 февральдә республикада кайбер продуктлар бәясе артты

Йомырка бәясе якынча 7,5% ка күтәрелде — унлык йомырканың уртача бәясе 75,82 сумнан 81,40 сумга җитте. Яшелчәләр арасында иң нык кыйммәтләнгән продукт — кишер. Аның бәясе 9,34% ка артып, килограммы 40,46 сум булды.

Шулай ук 3% тан артыкка кәбестә — 34,54 сумга, суган — 42,62 сумга, чөгендер 37,65 сумга кадәр кыйммәтләнде. 2% тан артык үсеш дөге — 89,92 сум, шикәр комы — 62,44 сум, балалар туклануы өчен коры сөт катнашмалары 1250,26 сумга җитүдә күзәтелде.

Шул ук вакытта кыяр, дуңгыз ите, сосиска, сарделька һәм маргарин бәяләре кимеде.

#бәяләр #азыктөлек #Татарстан #инфляция #продуктларбәясе #икътисад #сәүдә