ЯҢАЛЫКЛАР рубрикасы буенча яңалыклар

• 11 май 2022

  Язлар безгә Җиңү алып килде...

   9 май – Җиңү көне алдыннан – Бөреле авыл җирлегендә Бөек Ватан сугышында һәлак булган авылдашлар истәлегенә мемориал такта  ачу тантанасы булды. Бөреле авылы халкы быел, шулай ук, сугыш кырында мәңгелеккә ятып калган якташлары хөрмәтенә салынган һәйкәлне дә төзекләндерде. Тантана әлеге һәйкәл каршында  митинг форматында барды. Митингта Бөреле авыл җирлегендә яшәүчеләр, мәктәп укучылары, укытучылар, район җитәкчелеге катнашты. Тантана башланыр алдыннан мәктәп укучылары, “Үлемсез полк” бөтенроссия хәрби-патриотик акциясенә кушылып, Бөек Ватан сугышында катнашкан бабаларының, туганнарының портретларын тотып,  авыл урамнарына чыктылар. Бөреле авылы гына да Бөек Ватан сугышына илне сакларга үзенең 327 улын озата. Шуларның яртысына яңадан туган туфракка әйләнеп кайтырга насыйп булмый.

  
• 11 май 2022

  Яшь инспекторлар һәрвакыт сафта

  Районның барлык мәгариф учреждениеләре дә Бөек Җиңүнең 77 еллыгына багышланган тантаналы чараларда, “Үлемсез полк” бөтенроссия хәрби-патриотик  акциясендә актив катнашты. Биектау районы 2 нче санлы мәктәпнең юл хәрәкәте иминлеген тәэмин итүче  яшь юл хәрәкәте инспекторлары да әлеге акциягә кушылды. Башлангыч сыйныфларда укучылар мәктәп ишегалдындагы монумент каршында җыелдылар, Җиңү турында шигырьләр сөйләделәр, җырлар башкардылар, үзләренең сугышта катнашкан якыннары турында сөйләделәр.

  
• 09 май 2022

  Хәтер безне еракларга алып китә...

  Бөтен дөньяда миллионлаган кеше әтиләре, бабалары һәм карт бабалары, фронтовиклар һәм тыл хезмәтчәннәре портретларын тотып, урамнарга чыктылар. “Үлемсез полк” акциясе 80нән артык илдә, зур шәһәрләрдә һәм муниципаль районнарда уза.

  
• 09 май 2022

  Җиңү көне - халык тантанасы

  Биектау районында Җиңү бәйрәмен - Бөек Ватан сугышында Җиңүнең 77 еллыгын күп еллардан килә торган күркәм гадәт буенча техника парады, театральләштерелгән тамаша һәм тантаналы митинг белән билгеләп үттеләр.

  
• 08 май 2022

  "Җиңүләрне яулап алган көннәр Онытылмаслар гомер-гомергә"

  9 нчы Май алдыннан илебезнең барлык почмакларында да “Җиңү вальсы” яңгырады. Мондый киң күләмле, күп кешеле флешмобны Казанда да бик матур, тәэсирле итеп уздырдылар.

  
• 06 май 2022

  Кыр хезмәтчәннәре алдынгылыкны яулыйлар

  Биектау районы хуҗалыкларының биш тракторчысы чәчүдә нормаларын 120 процентка үтәделәр. Аларны басуда ук котладылар.

  
• 06 май 2022

  Бөек Ватан сугышы ветеранын Җиңү көне белән котладылар

  Мансур Мөлеков - Бөек Ватан сугышында катнашучылардан Биектау районында бүгенге көндә исәннәр арасында булган бердәнбер ветеран. Җиңү көне алдыннан аны Биектау районы Башкарма комитеты җитәкчесе Равил Хисаметдинов якынлашып килүче бәйрәм белән котлады.

  
• 05 май 2022

  Минем гаиләм алга, киләчәккә атлый

  Биектау районының  1 нче урта мәктәбендә татар милләтеннән булган  әти-әниләр һәм балалар өчен «Минем гаиләм алга, киләчәккә атлый» дип исемләнгән конференция узды. Ул татар телен, гаиләдә милли гореф-гадәт, йолаларны саклау, аларны үстерү мәсьәләләренә багышланган иде. Конференция эшендә төрле җәмәгать оешмалары вәкилләре, Татарстанның мәгарифне үстерү институты хезмәткәрләре, укытучылар, укучылар һәм аларның  әти-әниләре  катнашты.

  
• 04 май 2022

  Урманнарга янгын яный

  Янгын – урман өчен иң куркыныч фаҗига. “Бер агачтан миллион шырпы ясап була, ә бер шырпы белән миллион агачны юк итеп була”, дип юкка гына әйтми безнең халык. Ел саен язгы-җәйге чорда урманнарда яңа янгын очраклары турында хәбәр килеп тора. Урман янгыннары табигый бәла-казалар арасында иң куркынычы. Алар гаять зур икътисадый югалтуларга китерә, хайваннар, үсемлекләр юкка чыга, кешеләргә зур зыян килә. Бик еш кына янгын урман янәшәсенә урнашкан торак пунктларга күчә.

  
• 03 май 2022

  Җиңел атлетика эстафетасында иң яхшы йөгерешчеләр билгеле булды

  “Казан арты” паркы стадионы янында язгы җиңел атлетика эстафетасы уздырылды. Мәгариф учреждениеләре, авыл җирлекләре, райондагы предприятие һәм оешма хезмәткәрләренең җыелма командалары үзара көч сынаштылар. Әлеге спорт чарасында 100дән артык кеше катнашты.

  
• 02 май 2022

  Биектауда авыл хуҗалыгы ярминкәсе узды

  Узган шимбәдә Биектау районында авыл хуҗалыгы ярминкәсе узды. Ярминкә, гадәттәгечә, спорт комплексы янындагы мәйданда оештырылды.  Анда авыл хуҗалыгы, күмәк фермер хуҗалыклары үзләре җитештергән продукция белән сату иттеләр. Килгән халыкны, бигрәк тә, ит, сөт эшләнмәләре, суган, бәрәңге, ярма, шикәр комы  бәяләре кызыксындырды. Ә район товар җитештерүчеләре аларны арзан бәядән сатты.

  
• 01 май 2022

  Туфракка ком кушабыз, суганны тозлы суда тотабыз – һәвәскәр бакчачылардан киңәшләр

  Бакчачылар өчен чын мәгънәсендә урак өсте башланды. Күпләр үсентеләрне бакчага чыгару һәм җиргә чәчәсе орлыкларны әзерләү белән мәшгуль. Кайчан һәм ничек утыртырга, мул уңыш бирсен өчен бакча культураларын ничек тәрбияләргә?

• 29 апрель 2022

  Мөселманнарның үзара кардәшлеге - олыларга ихтирам, мохтаҗларга ярдәм

  Сәдака ул - кешене Аллаһка якынайта торган гыйбадәтләрнең берсе. Дөньяда вакытта сәдака бирүчеләргә ахирәт дөньясында уннан алып җиде йөзгә кадәр, ә кайбер кешеләргә аннан да күбрәк әҗерсавап бирелә. Кайберләре бу эшкә яңа гына алынсалар, күпләре эшләгән эшләрен күрсәтергә омтылмыйча, дистә еллар буе авыр хәлдә калганнарга, гомумән төрле чаралар үткәрүдә яисә катнашуга үзләреннән саллы өлеш кертәләр.

• 29 апрель 2022

  Агач тамыры җиргә керер, адәм нәселе илгә керер

  Иртәме-соңмы, һәр кеше дә үзенең чыгышы, нәсел тамырлары, узганнар турында уйлана башлый. Күңелдә әти-әнисе, әбибабаларының язмышы, тормышы турында күбрәк белү теләге туа. Көннәрдән бер көнне Биектау район үзәгендә яшәүче Разия Абзалова да үзенең нәсел җебен барларга керешә. Озак еллар “Биектау хәбәрләре” газетасында хәбәрче булып эшләгәнлектән, китап язуда кыенлыклар булмый. Максатка ирешү өчен бары тик эшләргә генә кирәк була.

• 29 апрель 2022

  Игелекле эшнең иртә-киче юк

  Биектау районыннан Амелия Шагиевага Польшада операция ясату өчен акча җыю дәвам итә. Бу кыз турында без бер ай элек язган идек. Дәвалау 4,5 миллион сум тора. Гаилә әлеге сумманың яртысыннан күбрәген җыйган инде, әмма әле тагын миллион ярым кирәк. Акча үз вакытында күчерелмәгәнлектән, клиника операцияне июнь аена күчергән. Шагиевлар өчен бу соңгы өмет.