ЯҢАЛЫКЛАР рубрикасы буенча яңалыклар

• 25 февраль 2022

  Галимҗан Барудиның тууына 165 ел

  Биектауның 4 нче мәктәбендә танылган галим, теолог, фәлсәфәче, мәгърифәтче, җәмәгать эшлеклесе, педагог, журналист Галимҗан Барудиның 165 еллык юбилеена багышланган төбәкара фәнни-тикшеренү конференциясе узды. Чарага күренекле кунаклар, район җитәкчелеге, мәгариф хезмәткәрләре, дин әһелләре, татар теле һәм әдәбияты укытучылары, Баруди хезмәтләре белән кызыксынган укучылар килде.

  
• 25 февраль 2022

  Түбәләрдән су агып, эшнең рәтен, өйнең ямен җибәрә

  Биектау авылының Юбилейная урамындагы йортларның өске катларында яшәүчеләр чаң кагалар. Түбәләргә каткан боз эри һәм кар сулары фатирларга үтеп керә башлаган. Торак хуҗалары ширкәте рәисе үзе дә аптырашта һәм яз җиткәнне көтәргә киңәш итә. Идарә итүче компания капиталь ремонтка да өметләнә, хәтта имзалар җыярга да керешкәннәр. Тик аларны кемгә күрсәтәчәкләре генә аңлашылмый - чөнки йортка хезмәт күрсәтү һәм ремонт ясау нәкъ менә торак хуҗалары ширкәтенең үз вазифасы бит.

  
• 25 февраль 2022

  Түшәмнән тамчы тама, диварлардан су ага...

  Биектау авылындагы бер йортның алгы ягын тоташ боз каплаган. Су электрүткәргечләр буйлап агып төшә дә, кирпеч стеналарга ябышып ката. Эчкә дә үтеп керә һәм фатирларда обойларны юешләтеп бетерә, пычрак таплар калдыра.

  
• 25 февраль 2022

  Туган телләр фестивале талантларны үзенә җыйды

  Биектау районында Туган тел көнен билгеләп үттеләр. Биектауның 1 нче һәм 3 нче гомуми урта белем бирү мәктәпләрендә мәктәп күләмендәге чаралар уздырылды. 2021 нче елда укучылар Туган телләр һәм Халыклар бердәмлеге елы кысларында үзләренең иң яхшы җырларын, биюләрен башкардылар, чыгышларын күрсәттеләр. Ә бу юлы алар бер урында һәм бер үк вакытта туган телләр фестиваленә җыелдылар.

  
• 25 февраль 2022

  Ул үзенең чыгышларына бөтен иҗат көчен, дәртен, сәләтен сала

  Биектау районының үзәк мәдәният йортында ел да оештырыла торган “Созвездие-Йолдызлык” республика конкурсының район этабы узды. Заманча эстрада сәнгате фестивале Россиядә иң эреләрдән санала һәм Татарстанда яшәүче яшьләргә үзләренең иҗади сәләтләрен ачарга мөмкинлек бирә. Анда катнашучылар арасында безнең редакция хезмәткәре Камила Сафарова да бар иде. Аның фестивальдә беренче генә тапкыр катнашуы түгел, Камилла хәтта “Эмканто” триосы составында республика этабында җиңүче дә булган.

  
• 25 февраль 2022

  Штрафыңны түләмәсәң, машинаңнан колак кагарсың

  ЮХИДИның Биектау бүлеге хезмәткәрләре явыз ният белән тәртип бозучыны тоткарладылар. Машина хуҗасы юл хәрәкәте кагыйдәләрен генә бозып калмаган, ул хәтта штрафларын да түләмәгән. 16 мең сум штраф җыелган. 2 ай вакыт үтеп китсә дә, ул аларны түләргә ашыкмаган - билгеләнгән штрафларны түләү өчен нәкъ менә шуның кадәрле вакыт бирелә.

  
• 18 февраль 2022

  Дембель альбомы - армиядә хезмәт иткән еллар турында истәлек

  Әнисә белән Мөнир Хәйруллиннарның берберсен нык яратуына сокланмый мөмкин түгел. Мөнир Смоленскида хезмәт иткәндә алар 730 көн берберсен күрми торалар. 18 яшьлек Әнисә сөйгәнен армиягә озатканда күз яшьләрен сөрткән кулъяулыкны Мөнир ике ел буена кесәсендә йөртә. Ә бүгенге көндә ул аларның дембель альбомында саклана.

  
• 18 февраль 2022

  Тормыш рәвешенә әверелгән яраткан һөнәр

  23 нче февраль якынлаша һәм без, Ватан сакчылары көне уңаеннан, көннең көнендә үз гомерләрен куркыныч астына куеп, безнең тынычлыкны һәм иминлекне саклаучылар турында сөйләргә телибез. Николай Яшин - шундыйларның берсе һәм безнең якташыбыз. Ул үзенең бөтен гомерен янгынга каршы көрәшкә багышлаган. Әле күптән түгел аның шушы батырлык юлыннан ныклы адымнар белән баруына 25 ел тулган.

  
• 18 февраль 2022

  Әфган кызалаклары бүгенгәчә күз алдында

  Район газетасы битләрендә юбилярлар турында еш язабыз. Бүгенге язмабыз үзенчәлекле гомер юлы үткән юбиляр турында. Ул үзенең 70 яшьлек юбилеен билгеләп үтте. Александр Гнедин Әфганстанда хезмәт итеп кайткан. Кайткач та хәрби киемен салмаган. 1994 елга кадәр Россия армиясе сафларында булган. 90- нчы еллар илдә кризис еллары булса да, һәркем үзе теләгән эшне сайлап алырга мөмкинлек биргән еллар булып истә калды. Александр Гнедин да машиналарны реставрацияләү белән шөгыльләнә башлый. Бүгенге көндә аның клубында нинди генә уникаль автомобильләр юк!

  
• 18 февраль 2022

  Район үсешендәге төп юнәлеш - инвесторларны җәлеп итү

  Узган ел безгә бик зур үзгәрешләр алып килде. Октябрь аенда Равил Хисаметдинов рәсми рәвештә Биектау районы Башкарма комитеты җитәкчесе итеп билгеләнде һәм ул районның социаль-икътисади үсешен алга җибәрү эшен дәвам иттерергә сүз бирде. Бүген инде күпмедер дәрәҗәдә нәтиҗә чыгарырга һәм яңа җитәкче эшенә йомгак ясарга: Равил Фәритович үз вазифаларына керешкән өч айны да, гомумән алганда 2021 нче елны да анализларга мөмкин. Октябрь аенда аны әлеге урынга билгеләгән шул ук залда 16 нчы февральдә Биектау районы Советының ХХ нче утырышы булды.

  
• 16 февраль 2022

  Тау чаңгыларында Биектаудан Красноярск шәһәренә кадәр

  Дөбьяз мәктәбе укучылары Татарстан Республикасы җыелма командасы составында укучыларның Бөтенроссия кышкы Спартакиадасында катнашты. Спартакиада Красноярск шәһәрендә узды.

  
• 16 февраль 2022

  Бәхеттә, шатлыкта узган 35 ел

  Мәмдәл авылыннан Габитовлар гаиләсе мәрҗән туйларын билгеләп үтәләр - алар 35 елдан бирле тормыш сукмакларыннан җитәкләшеп атлыйлар. Гап-гади авыл егете, авылның беренче баһадиры һәм ревизор булып эшләүче җитди кыз. Филсинә белән Радик ничек танышканнар соң?

  
• 16 февраль 2022

  Пьедесталның иң югары баскычында Биектау хоккейчылары

  2011 елда туган Биектау хоккейчылары республика беренчелегенә барган «Алтын алка» турнирында җиңү яуладылар. Командалар ике төркемгә бүленеп ярышты. Иң күп очко җыйган команда финалга үтте. Финалга Татарстаннан барлыгы 8 команда чыккан иде. Биектау хоккейчылары өч матчта катнашып, икесендә җиңүгә иреште. Бер тапкыр отылу нәтиҗәгә берничек тә йогынты ясамады.

  
• 16 февраль 2022

  «Ел укытучысы-2022» бәйгесенең зона этабы Биектауда узды

  Биектау районында «Ел укытучысы-2022» Бөтенроссия бәйгесенең зона этабы узды. Мондый бәйге ел саен уздырыла. Аның максаты - иҗади эшләүче укытучыларны барлау, аларның тәҗрибәсен башка педагогларга җиткерү, хезмәтләренең дәрәҗәсен күтәрү. Бәйгенең зона этабы Биектауның 4 нче урта мәктәбендә узды. Бәйгенең беренче көнендә Арча, Кукмара, Биектау педагоглары ярышса, икенче көнне эстафетаны Әтнә, Теләче, Балтач районнарыннан килгән укытучылар күтәреп алды.

  
• 16 февраль 2022

  “Россия чаңгы юлы” яшен дә, картын да үзенә җәлеп итте

  Узган ял көннәрендә Биектау районында бик күп кешене үзенә җәлеп иткән чаңгы узышлары булды. “Россия чаңгы” юлында 500дән артык биектаулы катнашты. Яшьләр дә, өлкәннәр дә бик рәхәтләнеп чаңгыга бастылар. Биектау авылыннан иң нәни чаңгычы Альберт Хәйретдиновка әле нибары 4 яшь. Спорт белән мавыгучы малай призлы урынны алмаса да, чаңгы юлында үзен сынап карады. Ярышта катнашучы иң өлкән кеше - Таһир Рәхмәтуллин нәни чаңгычыдан нәкъ 60 яшькә олырак.