Чираттагы киңәшмә

Кичә "Битаман" җаваплылыгы чикле ширкәтендә 2014 елгы язгы кыр эшләре вакытындагы бурычлар һәм кышлату барышы турында семинар-киңәшмә булды.

Анда Биектау муниципаль районы башлыгы Рөстәм Кәлимуллин катнашты. Ул язгы кыр эшләренә әзерлекне дә, терлекчелекне дә ныклы контрольдә тотарга кирәклекне искәртте. Хуҗалык җитәкчеләре алдында авыл хуҗалыгы һәм азык-төлек идарәсе начальнигы Илнар Мөхлисов чыгыш ясады. Идарәнең җитештерү-маркетинг бүлеге начальнигы Рөстәм Сабиров кышлатуның икенче яртысында терлекчелектәге бурычларга тукталды. Бүген һәр сыердан уртача тәүлеклек савым 12 килограммнан артык. Районда сөт терлекләренең продуктлылыгын арттыру турында киләчәктә дә кайгыртырга кирәк.