Бүләкләр тапшырыла

Биектау районында прокурорлар аллеясына нигез салынды 9 октябрьдә Татарстан Республикасында «Урманны саклыйк» Бөтенроссия акциясе кысаларында массакүләм рәвештә агач утырттылар. Республикада быел мондый чара өченче тапкыр уздырылды. Акциягә Биектау районы прокуратурасы хезмәткәрләре дә кушылды. Алар Казанның юридик институты укытучылары белән бергәләп “Казан арты” паркында нарат үсентеләре утырттылар. Шулай итеп, районда “Прокуратура аллеясы”на да нигез салынды. Аллеяга беренче 40 үсенте «Инеш» бассейны каршындагы территориягә утыртылды.

Бу атнада җанисәп алу башлана 15 октябрьдә Россиядә халык санын алу башланачак. Киләсе җанисәптә Россия халкы илдә беренче тапкыр исәпкә алу битләрен интернетта мөстәкыйль тутыру мөмкинлегенә ия булачак. Моның өчен интернетка керү мөмкинлеге һәм Дәүләт хезмәтләре порталында теркәү узарга кирәк. Бу очракта арадашчы булмаячак. Электрон исәпкә алу битен тутырганнан соң, мәгълүмат шунда ук Росстат хезмәтенә барып ирешә. Анкеталар җанисәп алучыларның планшетларында да тутырылачак. Җанисәп алу алдагы 10 елга дәүләтнең социаль-демографик сәясәтен планлаштыру максатыннан уздырыла. Җаваплар никадәр төгәл булса, илнең икътисад һәм социаль сферасына караган проблемалар шулкадәр яктырак күренәчәк. Җанисәп алу вакытында кешегә барлыгы 23 сорау биреләчәк.

Биектау районын Равил Хисаметдинов җитәкләячәк Узган шимбәдә, 9 октябрьдә, Биектау муниципаль районы Советының чираттан тыш сессиясе узды. Анда район Башлыгы Рөстәм Кәлимуллинның үз вәкаләтләрен туктатуы мәсьәләсе каралды. Рөстәм Кәлимуллинны озатырга һәм районга яңа Башлыкны тәкъдим итәргә Татарстан Республикасы Дәүләт Советы Рәисе Фәрит Мөхәммәтшин һәм Татарстан Республикасы Авыл хуҗалыгы һәм азык-төлек министры Марат Җәббаров килде.

Авиаһәлакәттә үлгәннәрнең якыннары: «Кызымның тәне зәп-зәңгәр, күгәреп беткән...» Кичә Татарстанда матәм көне булды. Минзәләдәге авиафаҗига вакытында һәлак булган кешеләрне җир үз куенына сыендырды. Фаҗигале төстә арабыздан киткән парашютчыларны якыннарына иртән Чаллының ашыгыч медицина ярдәме хастаханәсенең патологоанатомия бүлегендә тапшырдылар.

«Балачак академиясе» ишекләре һәр сабый өчен ачык Әти-әниләр заманында ук гамәлгә кергән кагыйдәләр нигезендә, бер яшьлек сабый кимендә ун сүз белергә, ә яшь ярымда – җөмлә төзеп сөйләшергә тиеш. Әмма бүген мондый “вундеркинд”лар сирәк. Алай гына да түгел, мәктәпкәчә яшьтәге сабыйларның 70 процентының сөйләмендә кимчелекләр бар, ди белгечләр.

Мошенниклар корбаны булудан сакланыгыз! Бүгенге көн Остап Бендерлары кеше алдауның ​ яңадан-яңа ысулларын уйлап чыгара. Хәзерге көндә алар ​ инде челтәрле элемтә аша кеше талый башладылар. Мошенниклыкның төрле төрләрен кулланып, тиз ышанучан гражданнарны алдаулары турында телевидение, радио, газета, интернет аша әледән-әле кисәтеп, уяу булырга чакырып торуларына карамастан, алар тозагына эләгүчеләр саны кимеми. Телефон мошенниклары акча “эшләү” өчен кешеләрне стресс хәленә китерсә, интернет аша эшләүче аферистлар бәндәнең тиз арада күп акча эшләп алырга кызыгуыннан файдаланалар. Мошенниклар тиз генә акчаны кулга төшерәләр һәм юкка чыгалар.

Россия армиясенә көзге чакырылыш башланды  Биектау районында 1 октябрьдә 2021 елгы​ көзге чакырылыш кампаниясе башланды. Гражданнарны хәрби хезмәткә чакыру 2021 елның 31 декабренә кадәр дәвам итәчәк.​ Россия Федерациясе Кораллы Көчләре сафларына быел районнан 220 гә якын егетне җибәрү күздә тотыла. Көзге чакырылыш кампаниясендә хәрби хезмәт үтәү өчен Россия гаскәрләренә 60 ​ егетне җибәрү планлаштырыла.

«Эверест» кунактан җиңеп кайтты Футбол буенча Татарстан Республикасы югары лигасы беренчелегенә финал ярышларының 5 туры тәмамланды.

“Мәктәптә эшләү - бәхет ул” Биектау районы 3 нче урта мәктәбендә ​ тарих һәм җәмгыять белеме укытучысы ​ ​ Нурия Галләмова бәхетне эшендә тапкан. Укытучылык таланты аңа тумыштан бирелгән. Бүгенге героебызны ​ кыска гына ​ әнә шулай характерлап булыр иде. Нурия Галләмова 30 елдан артык гомерен балаларга белем бирүгә багышлаган. Шул еллар эчендә әлеге һөнәрне сайлаганына  һич кенә дә үкенмәгән.

Гадел хөкем аллеясына яңа үсентеләр утыртылды Биектау районының йөзек кашы булган “Казан арты” паркында яшел үсентеләр артканнан-арта бара. Чөнки моннан 4 ел элек,​ 2017 елда,​ ​ Татарстан Республикасы Югары суды хезмәткәрләре​ биредә Гадел хөкем аллеясын булдырган иде.

Рәдиф Бариев: “Районыбыз гражданнарына социаль пакеттан баш тартмаска киңәш итәбез” Социаль хезмәтләрдән файдаланучыларга​ ташламалар,​ төрле социаль түләүләр федераль һәм Россия субъектлары дәрәҗәсендә оештырыла. Федераль дәрәҗәдә бирелә торган өлешендә, пенсия һәм башка​ ​ социаль пособиеләрдән тыш, пенсионерларга, инвалидларга ​ социаль хезмәтләр пакеты каралган. Пакетка югарыда әйтеп ​ үтелгән гражданнарны ​ медикаментлар белән тәэмин итү, аларга шифаханәләргә юлламалар бирү һәм ​ шифаханәләргә барганда, кайтканда бушлай транспорт белән тәэмин итү кебек хезмәтләр кертелгән.

Бәйрәм рухы беркемне дә битараф калдырмады Өлкәннәр көне - ул чиксез кадерле кешеләр - безнең әниләребез, әтиләребез, әби-бабайларыбыз көне. Бу - кешенең зирәк булып  җитлеккән, күңел юмартлыгының ташып торган чоры. Зур тормыш юлы үткән, икътисади һәм сәяси тетрәнүләр кичергән кешеләр буыны бәйрәмнәргә бик тә лаек буын.

Кулланылган су өчен түләргә туры киләчәк Биектау районы коммуналь предприятиесе хезмәткәрләре халыкны су белән тәэмин итә торган торбаларга законсыз рәвештә тоташкан йорт хуҗаларын ачыклау​ максатыннан​ рейд уздырды. Рейд барышында 60 йорт сусыз калды.