Бүләкләр тапшырыла

Безнең районда Бөек Ватан сугышында катнашучыларга һәм тыл хезмәтчәннәренә бүләкләр тапшыру башланды.

Биектау эшмәкәре Рөстәм Сибгатуллин ярдәме белән Казаннан кыйм-мәтле йөк алып кайтылды. "Биектау" Боз сарае директоры Андриян Тябин үтенече буенча ул, Бөек Җиңүнең якынлашып килүче 70 еллыгы хөрмәтенә сугыш ветераннарын сөендерү өчен, өсте ябык озын йөк машинасы (фура) һәм йөк "Газел"ен бушлай биреп торды. Рөстәм Сибгатуллин узган ел Боз сараена экскурсиягә килгән ветераннарга бүләк алу өчен акча биргән иде. Район шундый риясыз ярдәме һәм күркәм гамәлләре өчен эшмәкәргә рәхмәт белдерә.