Рима Габитова - "Биектау FM" йолдызы

Һәр атнаны дүшәмбедән шимбәгә кадәр 12.45 сәгатьтә 100,2 fm ешлыгында "Биектау FM" радиосында медиахолдингыбызның "Вконтакте"дагы рәсми төркемендәге дусларыбыз турында сөйли торган тапшыру эфирга чыга. Бүгенге йолдызыбыз - Рима Габитова.

Борынгы рус мәкалендә болай диелә: "Яхшы пешекче табибка тиң". Чыннан да, пешекчеләргә табиблар кебек битараф булмаска кирәк. Пешекченең хезмәтеннән кешенең сәламәтлегенә һәм кәефенә турыдан-туры бәйле. Пешерү - ул үзе бер сәнгать.

"Биектау FM" йолдызы тапшыруының бүгенге йолдызы Рима Габитова пешекче булып эшли. "Вконтакте"дагы битендә төрледән-төрле кулинария рецептлары урын алган.
Аңа нык сәламәтлек, эшендә уңышлар, гаиләсендә иминлек телибез.

P.S. тапшыруның тулы аудиоязмасы "Вконтакте"дагы рәсми төркемебездә урнаштырылган.

P.P.S. Игътибар! Әлеге тапшыру өчен барлык мәгълүмат та тапшыру героеның "Вконтакте"дагы рәсми битеннән алына. Шунлыктан чынбарлыктан аерым урыннар да булырга мөмкин.