Бүген 09:50 белән М-5 “Урал” федераль автомобиль юлында пассажир һәм йөк транспорты өчен вакытлыча чикләүләр кертелде.
Бу хакта Татарстан Дәүләт автоинспекциясендә хәбәр иттеләр. Сәбәбе: метеорологик һәм юл шартларының начар булуы. Чикләүләр өч төбәк: Татарстан, Оренбург өлкәсе һәм Башкортстан аша уза торган магистральләр участокларына кагылды. Автобуслар һәм зур йөкләр хәрәкәте махсус боерыкка кадәр туктатылды. Чара юлларда һава торышын яхшыртуга һәм хәлне җайга салуга кадәр гамәлдә булачак. Машина йөртүчеләргә сәфәрләрен планлаштырганда бу мәгълүматны исәпкә алырга, альтернатив маршрутлар сайларга яки чыгу мөмкинлеген кичектерергә сорыйлар.
Алдан күрелмәгән хәлләр килеп чыккан очракта трассада 8 (843) 533-38-88 телефоны буенча мөрәҗәгать итәргә кирәк.
Нет комментариев