Татарстанда юка бозга чыккан өчен 2 мең сумга кадәр штраф яный
Яз килү белән сулыкларда боз катламы куркыныч тудыра башлый.
Татарстан Гадәттән тыш хәлләр министрлыгы калынлыгы 7 сантиметрдан ким булган бозга чыгу, шулай ук махсус җиһазландырылмаган урыннарда транспорт белән бозга керү өчен штрафлар турында искә төшерә. Гражданнар өчен штраф күләме — 1,5–2 мең сум. Вазыйфаи затлар өчен — 5–7 мең сум. Юридик затлар өчен — 50–70 мең сум.
Рәсми боз кичүләре булмаган урыннарда транспорт белән бозга чыгу катгый тыела. Моның өчен штрафлар, статуска карап, 3 меңнән 400 мең сумга кадәр җитәргә мөмкин. Спецалистлар кисәтә: язгы боз бик тиз эри һәм хәтта бер кешене дә күтәрә алмый. Куркынычсызлык кагыйдәләрен саклау штрафлардан гына түгел, бәхетсезлек очракларыннан да коткарачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев