Татарстанда ел башыннан бер тоннага якын ылыслы агач орлыгы җыеп алынды

Чаралар "Экологик иминлек" илкүләм проектының "Урманнарны саклау" федераль проектына кергән "Татарстан Республикасында урманнарны саклау" төбәк проекты кысаларында үткәрелә.

Гомуми күләменнән 608 кг гади нарат орлыкларына, тагын 337 кг - Европа чыршы орлыкларына туры килә.

Татарстан Республикасы урман хуҗалыгы министрының беренче урынбасары Илгизәр Зарипов урманнарны торгызу өчен әзерлекнең мөһимлеген ассызыклады. Барлык җыелган орлыклар республиканың Урманны саклау үзәгендә мәҗбүри тикшерүдән уза, аннан соң аларга тиешле таныклыклар бирелә. План буенча 2026 елда кимендә 11 455 килограмм орлык җыеп алырга туры киләчәк.

"Татарстан Республикасында урманнарны саклау" төбәк проекты 2025 елда "Экологик иминлек" илкүләм проекты кысаларында старт алды. Ул өч төп күрсәткечкә ирешүне күздә тота: урман торгызу һәм урман үстерү мәйданының киселгән һәм үлгән үсентеләр мәйданына нисбәте; торгызылган урманнарның гомуми мәйданы (тупланма нәтиҗә белән); урман янгыннары мәйданының 2021 ел белән чагыштырганда кимүе.