Казанда хакатон уздырыла: океанны коткару өчен 100+ катнашучы туплана
12–13 март көннәрендә Казанда «ЭкоХак: Чистый океан» хакатоны узачак. Чарага Россия, Төрекмәнстан һәм Үзбәкстаннан йөзгә якын экоактивистлар һәм IT‑белгечләр катнашачак.
Хакатон Kazan Digital Week кысаларында үтәчәк. Аны оештыруда ТР Экология министрлыгы, республика Фәннәр академиясе һәм «Миррико» компаниясе катнаша.
Катнашучылар тугыз төрле мәсьәләне хәл итәргә тиеш: микропластикны эшкәртү проблемасыннан башлап, су объектларының пычрануын алдан күрсәтү системаларын төзүгә кадәр.
Ярышның бүләк фонды — 450 000 сум. Иң уңышлы проектларны киләчәктә су объектларын саклау өчен кулланырга мөмкин.
Чараның махсус статусы аеруча кызыклы: аны танылган сәяхәтче Федор Конюховның планы белән бәйләп карарга була. Ул 2026 елның декабрендә пластиктан эшләнгән көймәдә гидросфераны өйрәнү экспедициясен башлаячак. Сәяхәтче алып кайткан су үрнәкләре Татарстан галимнәре тарафыннан тикшереләчәк һәм хакатонда эшләнгән мәгълүматлар белән бергә гидросфераның глобаль пычрану дәрәҗәсен бәяләү өчен кулланылачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев