Ел башыннан Татарстанда 1,2 меңнән артык гаилә фатирлы булды

Республикада гомуми мәйданы 65,1 мең квадрат метр булган 31 йорт файдалануга тапшырылган. Бу еллык планның 43,2% тәшкил итә. Барлык фатирларда да ремонт ясалган, сантехника, датчиклар, счетчиклар, шулай ук электр яки газ плитәләре урнаштырылган. 2026 елда Дәүләт торак фонды Татарстанның 3123 гаиләсенә торак бирергә уйлый. Моның өчен республика шәһәрләрендә һәм районнарында гомуми мәйданы 150,6 мең квадрат метр булган 108 йорт төзеләчәк.

Казанда 774 фатирлы биш йорт төзелеше тәмамланды, аларны кулланылышка тапшырырга әзерлиләр. Дүрт яңа бина "Җиңүгә 80 ел" торак комплексында ("Салават Күпере" районы), берсе - "Гаилә" микрорайонында урнашкан. Шул ук районнарда 1528 фатирлы тагын биш йорт төзелә. Чаллыда алты йорт (942 фатир), Түбән Камада - һәрберсе 170 фатирлы ике йорт төзелә.

Актив төзелеш Әгерҗе, Арск, Лаеш, Менделеевск, шулай ук Алексеевск, Кукмара, Сарман районнарында һәм республиканың башка муниципалитетларында бара. Дәүләт торак фондының социаль ипотека программасы "Тормыш өчен инфраструктура" милли проектының төп бурычларының берсен - гражданнарны торак белән тәэмин итүне арттыруны башкарырга ярдәм итә.