Биектау авылында яңа азык-төлек кибете ачылды

Бүген Биектау авылының Үзәк урамы 3 нче йорт адресы буенча Россиянең ваклап сату буенча иң эре кибетләр челтәреннән саналган кибетнең чираттагысы ачылды.
Кибетне ачуда Биектау районы Башлыгы Рөстәм Кәлимуллин катнашты. Рөстәм Галиуллович кибеттә тәкъдим ителгән товар ассортименты белән танышып чыкты, аларга куелган бәяләрне карады. "Районда конкуренция булуы куандыра. Халыкның сайлау мөмкинлеге бар. Ә бу исә үз чиратында, эшмәкәрләрнең кибетләрендәге товарның сыйфатын карап торырга этәрәчәк", - диде ул соңыннан.