Кичектергесез бурычлар

Предприятиеләр, оешмалар, учреждениеләр җитәкчеләре, авыл җирлекләре башлыклары катнашында бу дүшәмбедә Биектау муниципаль районы башлыгы Рөстәм Кәлимуллин зур киңәшмә уздырды.

4 декабрьдә узган РФ Дәүләт Думасына депутатлар сайлауның нәтиҗә-ләре, шулай ук 2011 елның калган көннәрендә кичектермичә хәл ителергә тиешле бурычлар турында фикер алыштылар. Бу Яңа елны бәйрәм итүгә әзерлек тә, Биектау якташлар оешмасын төзү дә, кардан арындыру эше дә.

Түбәндәге мәсьәләләр каралды: агымдагы елның 11 ае нәтиҗәләре буенча районның социаль-икътисади үсеше турында; "Биектау" хәйрия фондының эшчәнлеге турында; почта китерү һәм 2012 елның беренче яртысына вакытлы матбугатка язылу турында.