Тәмле дә соң чишмә сулары...

Районыбыз авылларында халыкны су белән тәэмин итүне яхшырту өчен күп нәрсәләр эшләнә.

Татарстан Хөкүмәтенең «Бердәм Россия» партиясе ярдәмендә тормышка ашырылучы "Чиста су" программасыннан тыш, авыл кешеләре үз территорияләрендәге чишмәләрне ремонтлау, төзекләндерүдә катнашалар. Әле күптән түгел генә Урта Алат авылында чишмәләр язмышына битараф булмаган биш кеше халыкның күбесе файдалана торган чишмәне тулысынча тәртипкә китерделәр. Һәм бу эшләр нигездә үзара салым акчасына башкарылды. Алат авыл җирлеге башлыгы Рәис Зарипов сүзләренә караганда, чиратта - Урта Алат авылындагы тагын бер чишмәне чистарту һәм Кече Алатта су белән тәэмин итү системасын төзеп бетерү.