БОЗ САРАЕ КҮЗГӘ КҮРЕНЕП ҮСӘ

Боз сараенда төзелеш эшләре кызу темпта бара. Ул "Бердәм Россия" сәяси партиясенең социаль программасы буенча эшләнә.
Сарайның үзәген боз аренасы тәшкил итә. Әлеге мәйданчыкны ае-руча җентекләп әзерлиләр: аңа бетон җәелгән, шомартылган, боз өчен "җаваплы" торбалар салынган. Бинада аерым котельный эшләп тора, түшәм төзелешендәге формалар буяп куелган. Беренче катта бина бүлмәләргә бүленгән, аларда спортчыларның киенү-чишенү урыны, кафе, хуҗалык блогы, гардероб урнашачак. Стеналар штукатурланган. Электромонтаж эшләре дәвам итә.
"Фортэкс" җаваплылыгы чикле ширкәте төзүчеләре объектта иртәдән кичкә кадәр эшлиләр, чөнки Боз сарае җәй башында - Бөтендөнья Универсиадасы башланыр алдыннан ачылырга тиеш.
Рәсемдә: төзелеп килә торган "Биектау" Боз сарае.
А.Тимонин фотосы.