Татар җырын иң яхшы башкаручының исеме билгеле!

"Биектау хәбәрләре" газетасы редакциясе тарафыннан оештырылган татар җырын иң яхшы башкаручылар бәйгесенең җиңүчеләрен бүләкләү тантанасы 20 август көнне "Биектау" спорткомплексы базасында, атна саен уздырыла торган дискотека вакытында булды. Шактый гына "кызу" барган тавыш бирүдән соң, җиңүчеләр дип түбәндәгеләр табылды:

1. Эльвира Гәрәфетдинова

2. Аида һәм Булат Шәйдуллиннар

3. Әдилә Габдерәкыйпова

Җиңүчегә музыкаль клип төшерергә сертификат тапшырылды, ә икенче һәм өченче урын алучыларны профессиональ фотографтан фотосессия көтә.

Сүз уңаеннан, җыр бәйгесе яңадан башланып китте. Бәйгедә катнашырга теләүчеләр үзләре башкаруында җырларны "Биектау.ру" сайтына җибәрә ала.