Рәхәтләнеп ял итәбез

Капиталь ремонттан соң безнең Мүлмә мәдә-ният йорты һәм китапханәсе яктырып, матурланып китте. Авылның уртасында авылыбызга ямь биреп, балкып тора.

Һәр көнне яше дә, карты да мәдәният йортына ашыга. Чөнки монда җаның теләгәнчә ял итәргә мөмкин. Әле яңа гына, ачылышка кайтарылган бильярд та, теннис, шашка, шахмат уеннары да үзенә тарта. Төрле түгәрәкләрдә шөгыльләнергә мөмкин. Безгә мәдәният йортын ремонтлау эшендә, бильярд өстәле кайтаруда зур ярдәм иткән өчен Биектау муниципаль районы башлыгы Кәлимуллин Рөстәм Галиулла улына, Татарстан Республикасы Дәүләт Советы Депутаты Глушков Геннадий Николаевичка Мүлмә авылы халкы исеменнән зур рәхмәтебезне белдерәбез. Исәнлек-саулык, эшләрендә зур уңышлар телибез.