Беренче сыйныф укучыларын озынрак каникуллар көтә
Яңа уку елы алдыннан Мәгариф министрлыгы ата-аналарга һәм укытучыларга беренче сыйныф укучылары өчен махсус җиңеләйтелгән тәртип турында искәртте. Алар өчен дәресләр кыскарак булачак, өй эше бирелмәячәк, ә каникуллар озаграк дәвам итәчәк.
Беренче сыйныфта дәресләр 35 минуттан башлана
Сентябрьдән декабрьгә кадәр беренче сыйныф укучылары өчен дәрес озынлыгы 35 минуттан артмаска тиеш. Гыйнвардан майга кадәр дәресләр әкренләп 40 минутка кадәр озайтыла. 2–11 нче сыйныфларда дәреснең стандарт озынлыгы 45 минут булып кала, ә сәламәтлек мөмкинлекләре чикләнгән балалар өчен барлык сыйныфларда да 40 минутлык чик билгеләнгән.
Беренче сыйныф укучылары өчен өй эшләре рәсми рәвештә бетерелгән. Көзге каникуллар 26 нчы октябрьдән 3 нче ноябрьгә кадәр дәвам итәчәк, ә ял һәм бәйрәм көннәрен исәпкә алганда, балалар 4 нче ноябрьне дә кертеп, барлыгы 12 көн ял итәчәк. Кышкы каникуллар 31 нче декабрьдән 10 нчы гыйнварга кадәр карала.
Уку елы яшь үзенчәлекләрен исәпкә алып төзелә
Беренче сыйныф укучылары өчен уку тәртибе аларның яшь үзенчәлекләрен мөмкин кадәр исәпкә алып оештырыла. Кыска дәресләр, мәҗбүри өй эшләренең булмавы һәм озынрак ял чорлары балаларга балалар бакчасыннан мәктәп тормышына җиңелрәк ияләшергә ярдәм итәргә тиеш. Ата-аналарга баланың көн тәртибен алдан ук яңа расписаниегә яраклаштырырга киңәш ителә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев