Урак өсте җитте

Районда игеннәрне урып-җыю башланды. Бу көннәрдә суктыруда 65 комбайнның 30ы эшли.

Урып-җыюга беренчеләрдән булып "Бөреле", "Серп и молот", "Татарстан", "Высокогорская", "Ак барс Питрәч" кебек авыл хуҗалыгы предприятиеләре кереште. Алар көзге арыш һәм көзге бодай суктыру белән мәш-гульләр. Бүген район буенча уңыш гектардан 22 центнер чыга.
Уракта катнашучылар алдына урып-җыюны сентябрьгә кергәнче тәмамлау бурычы куелды. Хуҗалыкларда техника җитәрлек, комбайннар барысы да кадрлар белән тәэмин ителгән.