Пенсияләр арта

2014 елда Россия пенсионерларының хезмәт пенсияләре ике мәртәбә күтәреләчәк.

Беренче индексация 1 февральдә булачак - хезмәт пенсияләре 2013 елгы куллану бәяләре дәрәҗәсе буенча, икенче тапкыр - 1 апрельдә - бер пенсионерга исәпләгәндә 2013 елда Россия Пенсия фонды керемнәре үсеше дәрәҗәсе буенча. Августта исә эшләүче пенсионерларның хезмәт пенсияләре гадәттәгечә яңадан
исәпләнеләчәк.

1 апрельдә шулай ук дәүләт тәэминаты буенча, шул исәптән социаль пенсияләр һәм федераль ташламалардан файдаланучыларга пенсия белән бергә китерелә торган айлык акчалата түләү күләме дә индексация-ләнәчәк.

2014 елга Россия Пенсия фонды бюджетында хезмәт пенсияләрен индексацияләүгә акча 8,1%ка, социаль пенсияләргә 17,6%ка күздә тотыла. Индексациянең төгәл күләме РФ Хөкүмәте тарафыннан 2013 елгы нәтиҗәләрне, шул исәптән илдәге инфляция дәрәҗәсен һәм бер пенсионерга исәпләгәндә Россия Пенсия фонды керемнәре күләмен истә тотып билгеләнәчәк.