“Нәфис”тә күңелле тамаша

Биектау мәгариф бүлеге инициативасы буенча мәдәният бүлеге белән берлектә агымдагы елның 23 февралендә "Казан-Арена" стадионы каршындагы территориядә "Нәфис" халык шугалагы"нда Биектау районы оешмаларында эшләүчеләрнең массакүләм шууы оештырылды.

Бюджет оешмалары хезмәткәрләре "Боздагы шоу-2014"тән биюләр күрсәттеләр һәм Татарстан башкаласында яшәүчеләрне Олимпиаданың уңышлы тәмамлануы белән котладылар.

Биектау районы кешеләрен һәр якшәмбедә Ямашев проспекты, 115а адресы буенча "Казан-Арена" стадионы каршындагы "Нәфис" халык шугалагы"на чакыралар. Бергә җыелып килүчеләргә тимераяклар бушлай бирелә һәм алар иртәнге аш белән тәэмин ителәләр.

Укучыларны алып баруны оештыру өчен белем бирү учреждениеләре җитәкчеләренә проект координаторы Э.Фәтхриевага мөрәҗәгать итәргә кирәк.

Телефон - 2-35-80.