Кырда – беренче агрегатлар

Район хуҗалыклары язгы культураларны 18 мең гектар мәйданда чәчәргә ниятли.

Беренчеләрдән булып, язгы-кыр эшләрен үткәрү өчен басуларга үзләренең агрегатларын "Бөреле" акционерлык җәмгыяте һәм "Татарстан" агрофирмасы чыгарды. Дүшәмбе көнгә алар 550 гектар уҗым һәм күпьеллык үләннәрне тукландырды. Чәчүгә, басуларның һәр гектарына 40 килограмм исәбеннән, минераль ашламалар хәзерләнгән инде. Ашламалар кайтару дәвам итә, гектарга 50 кг. йогынты ясаучы матдә булырлык запас тупларга кирәк.

Язгы кыр эшләрендә 330 дан артык трактор, 130 дан артык тырмалау агрегаты, 56 культиватор, 54 чәчкеч һәм 12 чәчү комплексы катнашачак.