Көрәш келәмендәге җиңүләр

Яшь көрәшчеләрнең Мамадышта узган бәйгесендә 55 килограммлы авырлыкта Биектауның балалар-үсмерләр спорт мәктәбендә тәрбияләнүче - Суыксу урта мәктәбендә белем алучы Эмиль Гыйниятуллин җиңде.

27-28 мартта ул милли көрәш буенча 2000-2001 елгы үсмерләр арасында Татарстан Республикасы укучыларының Х нчы Спартакиадасында катнашты. Келәмдә 13 командадан 107 көрәшче очрашты.

45 килограммлы үлчәү категориясендә өченче урынны Ямаширмәдән Алмаз Гатауллин, 80 килограммлы авырлыкта Суыксудан Булат Низамиев алды. Нәтиҗәдә безнең команда 6 нчы урынга чыкты. Бу үсмерләр белән тренер-укытучылар Р.Н.Минуллин һәм Л.Р.Зиннәтуллин шөгыльләнә.