«Икенче икмәк» алалар

Биектау районы хуҗалыкларына 647 гектар бәрәңге алырга кирәк.

Иң зур мәйдан - 250 гектар - "Бөреле" ябык акционерлык җәмгыятендә. Инде беренче гектарлардан бәрәңге җыеп алынган. "Каенлык" җаваплылыгы чикле ширкәтендә укытучылары белән бергә укучылар көн саен үз ашханәләре өчен продукция әзерлиләр. Узган якшәмбедә алар 50 тоннадан артык бәрәңге җыйдылар. Беренче сменада бәрәңге чүпләргә 80 кеше чыкты, икенчесендә 67. Эш көннәрендә басуга сменалап 100 әр кеше чыга.

"Икенче икмәк"не шулай ук "Ватан", "Татарстан" АФ җаваплылыгы чикле ширкәтләрендә һәм фермер хуҗалыкларында да алалар. Дүшәмбегә тулаем җыем 213 тонна тәшкил итте.