Игеннәрне уруда иң алдынгылар аерым билгеләп үтелде

Быел безнең районда урып-җыю оешкан төстә узды. Һәр өч көн саен эш йомгаклары буенча комбайнчылар һәм шоферларга премияләр тапшыру анда катнашучылар өчен тагын да ныграк тырышырга этәргеч булды. Алар барлык кыенлыкларны җиңә алдылар.

Нигездә игенчеләрдән берәү дә игътибар үзәгеннән читтә калмады. Авыл хуҗалыгы елы тәмамланганнан соң оештырылган Уңыш бәйрәмендә тырыш хезмәтләре өчен барлык механизаторлар да бүләкләнде. Әлеге бәйрәмдә Биектау муниципаль районы башкарма комитеты җи-тәкчесе Илнар Мөхлисов бөртеклеләр һәм бөртекле-кузаклыларны урдыруда башкалардан аерылып торган комбайнчыларга икедән алып сигезгә кадәр премия тапшырды. "Серп и молот" җаваплылыгы чикле ширкәтеннән Александр Семенов алты, "Битаман" җаваплылыгы чикле ширкәтеннән Дамир Кәлимуллин - җиде, "Высокогорская" агрофирмасыннан Әгъзам Булатов сигез премиягә лаек булды.