Хакимияттә котладылар

Футбол буенча "Күн туп" зона ярышларында җиңүчеләр - 10-11 яшьлек малайлар һәм аларның тренерлары Станислав Тюрин, Альберт Сибгатуллин, Александр Петуховны хакимияткә чакырдылар.

Анда аларны район башлыгы Рөстәм Кәлимуллин җылы котлады. Малайлар республиканың 10 командасы бергә җыелган Байлар Сабасында уйнадылар. Алар оттырышсыз алты уен уздырдылар. Яшь футболчыларыбыз мондый уңышка беренче тапкыр ирештеләр. Биектау җыелма командасы бу көннәрдә Әлмәттә уза торган финал ярышларында катнаша. Яшь спортчыларга яңа уңышлар телибез!