Газетага язылу тәмамланып килә

"Биектау хәбәрләре" - "Высокогорские вести" район газетасына язылу тәмамланырга нибары ун көн калып бара.

Бүген, башкарылган эшкә күпмедер дәрәҗәдә йомгак ясап, җиткерелгән планнарны 100 һәм аннан күбрәк процентка үтәгән Олы Битаман, Ямаширмә, Иске-Казан, Суыксу, Алан-Бәксәр һәм Семиозерка авыл җирлекләрен уңай яктан билгеләп үтәргә була. Ә менә планлаштырылган үрне яулар өчен Коркачык, Ташлы Кавал, Мәмдәл, Дөбъяз, Шәпше авыл җирлекләренә тагын бераз гына тырышып алырга кирәк. Биектау, Мүлмә, Усад, Әлдермеш, Айбаш авыл җирлекләре исә - нык артта калучылар арасында.
Редакция башкарылган эш өчен рәхмәт белдерә һәм почта бүлекләре, хат ташучылар авыл җирлекләре җитәкчеләре белән берлектә калган вакытта халыкны газетага язылуга җәлеп итү эшен активлаштырып җибәрерләр, дип өметләнә.