ФЕРМАЛАРДА КЫШЛАТУ ЧОРЫ

Бу көннәрдә район хуҗалыкларында көндәлек тулай савым 70 тонна тәшкил итә. Һәр сыердан уртача 11,8 килограмм сөт савыла.

2014 елгы күрсәткечләр узган елның шул ук чоры белән чагыштырганда кимрәк һәм безнең район бүген республикада уналтынчы урында. Тулай савым 2013 елгы белән чагыштырганда 3,3 тоннага кимрәк.

Һәр сыердан савым алу буенча лидерлар - "Әсән" ширкәте (26 кг), "Татарстан" агрофирмасы (16,9), "Красная заря" (15), тулаем сөт җитештерү буенча - "Бөреле", "Татарстан", "Серп и молот", "Битаман". Фермаларда алынган сөтнең яртысы диярлек алар өлешенә туры килә.