100 еллык юбилей уздырылды

Юбилярларны хөрмәтләү кебек күркәм гамәл безнең районда быел да дәвам итә.
5 нче февральдә гомере буена Биектау районында яшәгән Мария Жукова йөзенче туган көнен билгеләп үтте. Аны шушындый олы юбилее белән котларга Биектау районы башлыгы Рөстәм Кәлимуллин, шулай ук социаль өлкә вәкилләре килде. Гомере буена колхозда бозау караучы булып эшләп, Беренче Бөтен-дөнья, Гражданнар һәм Бөек Ватан сугышы афәтләрен башыннан кичереп, ул үз районына турылыклы булып калган. Моннан берничә ел элек Мария Терентьевна Биектау авылында квартира алган һәм бүген кызы Нина белән шунда яши.