Урта Алатта Нәүрүзне бәйрәм иткәннәр (+ФОТО)

Кичә 19 нчы март көнне Урта Алат мәдәният йорты каршындагы ял паркында яз каршылау - "Нәүрүз бәйрәме" уздырганнар.

Бәйрәмгә килүчеләр өчен театральләштерелгән тамаша күрсәтелгән. Бәйрәм татар халык уеннары, күңелле җырлар, биюләр белән дәвам иткән.

Бәйрәм белән котлаулар, шигырь һәм такмаклар әйтү, җырлар җырлау, бию - барысы да милли йолаларны онытмау, кешеләрнең бер-берсенә ихтирамын, хөрмәтен чагылдыру өчен ярдәм итә, укучыларыбызда милли бәйрәмнәребезгә, гореф-гадәтләргә карата мәхәббәт тәрбияли, дип саныйлар авыл җирлегендә.

Соңыннан барысы да "Карга боткасыннан" авыз иткәннәр һәм тәмле коймак белән чәй эчкәннәр.